Dags: 09.06.2011

Leikjaniðurröðun á fyrsta mótinu í Fanta mótaröðinni

Fanta mótaröðin hefst föstudaginn 10. júní kl 18:00 þegar spilaðir verða 6 leikir í karlaflokki.
Mótið verður síðan keyrt bæði í karla- og kvennaflokki allan laugardaginn 11. júní og verða úrslitaleikirnir spilaðir um kl 16:00.

19 lið skráðu sig til leiks að þessu sinni og vekur það athygli að þessu sinni eru fleiri karlalið en kvennalið. 11 karlalið skráðu sig til leiks og 8 kvennalið.
Þetta er jákvætt að vissu leiti, ekki það að kvennaliðunum fækki, heldur að karlaliðunum fjölgi en karlpeningurinn hefur verið heldur slakur að mæta í mótin undanfarin ár. Það er því greinilegt að þetta sumar verður hörku strandblaksumar en konurnar eru vanar að koma úr híði sínu þegar hitnar aðeins meira í veðri.

Spilað er eftir tvöföldu útsláttarkerfi eins og undanfarin sumur.
Hér að neðan má sjá fyrstu leiki mótsins, en leikirnir raðast svo inní tímatöfluna eftir því hver úrslit fyrri leikja verða.