Dags: 09.08.2011

Fantamótið / Íslandsmótið - Upplýsingar fyrir keppendur

60 leikir verða spilaðir í um helgina á strandblakvöllunum í Fagralundi. Dagskráin er mjög þétt og þurfa keppendur og umsjónarmenn að vera samstíga til að allt gangi upp í tíma.

Á föstudaginn kemur hefst Fantamótið í strandblaki á leikjum í B flokki kvenna. Spilað verður frá kl 18:00 til u.þ.b. kl 22:00, en þá verður gert hlé þar til á laugardagsmorgun. Þá hefst mótið aftur í B - flokki kl 8:30 og flokkurinn kláraður að undanskildum úrslitaleiknum.

B flokkur karla hefst svo á laugardagsmorgni kl 9:40. Hann verður einnig kláraður að undanskildum úrslitaleiknum, en úrslitaleikir í B flokkum karla og kvenna fara fram fyrir úrslitaleiki í A flokki. Áætlaður tími á úrslitaleiki í B flokki karla og kvenna er kl 17:45.

A flokkur karla hefst kl 10:15 á laugardaginn og er áætlað að úrslitaleikur í þeim flokki verði spilaður kl 18:20. Samhliða A flokki karla verður A flokkur kvenna spilaður og hefjast leikir í þeim flokki kl 11:25 á laugardaginn. Áætlaður tími á úrslitaleik kvenna er 18:50.

• Mæting: Öll lið þurfa að mæta í það minnsta 30 mín fyrir leik.
• Tímasetning leikja getur riðlast og þá sérstaklega í svona stífu prógrammi, bæði getur orðið seinkun á leikjum en einnig gætu leikir verið keyrðir af stað á undan áætlun ef færi gefst.
• Of seint: Ef lið er ekki mætt til leiks á réttum tíma samkvæmt tímaseðli telst leikur tapaður.
• Upphitun: Engin upphitun er leyfð á velli ef leikir eru á áætlun eða eftir áætlun, en mest 5 mínútur ef leikur er vel á undan áætlun.
• Upphitun í sandi fyrir úrslitaleiki í A flokki karla og kvenna er 10 mínútur, sama þó seinkun sé á dagskrá.
• Búningar: Skylda er að vera í eins búningum og væri frábært ef keppendur leggðu sig fram við að láta númera toppana/hlírabolina eins og reglur segja til um (1 og 2), en það er þó ekki skylda að þessu sinni.
• Umsjón: Lið sem tapar leik er með umsjón með næsta leik á eftir (rita + fletta stigaspjaldi)
• Dómgæsla: Hvorki áhorfendur né ritarar mega dæma. Reynt verður að hafa dómara á öllum leikjum.
• Áhorfendur mega ekki kalla leiðbeinandi skilaboð til leikmanna í spili.
• Þjálfun: Enginn má hafa afskipti af leikmönnum í leikhléum né á milli hrina, hvorki þjálfarar, vinir, foreldrar eða aðrir.
• Aðstaða: Keppendur geta farið í sturtu og notað aðstöðuna í Fagralundi
• Sjoppa verður á staðnum fyrir svanga keppendur
• Happadrætti keppenda er að venju eftir síðasta leik á laugardegi og er eingöngu dregið úr nöfnum keppenda sem eru á staðnum. Unglingar hafa líka möguleika ef þeir eru á staðnum.
• Grill: Keppendum er boðið uppá grillaða borgara að móti loknu á laugardegi.

Í pdf skjalinu hér að neðan má finna allar tímasetningar leikja.

Tímasetningar leikja

Fyrir þá sem vilja skoða mögulega þróun á mótinu geta skoðað þessi "bracket" hér að neðan.

7 liða tré (A kvenna) - 8 liða tré (A karla) - 11 liða tré (B kvenna)