Strandblakreglur

Þetta er stytt útgáfa af reglum Alþjóðablaksambandsins fyrir strandblak 2ja manna lið.
Reglur þessar eru þær sem eru öðruvísi frá reglum úr inniblakinu.
Reglurnar eru að finna á heimasíðu FIVB.

1. Völlurinn
   a. Völlurinn er 16 x 8 metrar.
   b. Ytri línur vallarins skulu vera merktar með 5cm breiðu bandi í áberandi lit.
   c. Mið- og sóknarlínur eru ekki merktar.
   d. Uppgjafarsvæðið er fyrir aftan allan völlinn.
   e. Sandurinn á að vera fínkornóttur og minnst 40cm á dýpt.
   f. Æskilegt er að í kringum völlinn sé 3ja metra autt svæði.
   
   
2. Netið
   a. Netið á að vera 1 m x 8,5 m, helst með með borðum að ofan og neðan.
   b. Í keppnum í meistaraflokki á að nota antennur.
   c. Hæðin fyrir karla er 243 cm og 224 cm fyrir konur. (Aðrar hæðir eru ákveðnar eftir aðstæðum og flokkum)
   d. Stangirnar sem halda netinu uppi eiga að vera fyrir utan völlinn.
   
   
3. Boltinn
   a. Boltinn er í sömu stærð og þyngd og í inniblaki.
   b. Loftþrýstingurinn í boltanum á að vera 0.175 til 0.225 kg/cm².
   c. Boltinn getur verið margskonar á litinn en helst á hann að vera skærgulur eða marglitur.
   
   
4. Fjöldi leikmanna
   a. Meistaraflokkur: 2 leikmenn í liði
   b. Aðrir flokkar: 4 leikmenn í hverju liði.
   c. Í tveggja manna liðum eru ekki leyfðar skiptingar eða auka leikmenn.
   d. Í fjögurra manna liðum er leyfilegt að hafa einn skiptimann.
   
   
5. Búningar
   a. Leikmenn liða skulu spila í eins búningum.
   b. Karlmenn skulu spila í stuttbuxum og hlírabol og skulu bolir vera númeraðir að framan frá einum uppí tvo.
   c. Konur skulu spila í hjólabuxum eða bikiníbuxum og topp eða bol, og skulu toppar vera númeraðir að framan eins og hjá körlum.
   d. Ekki er leyfilegt að spila í skóm og sokkar eingöngu leyfðir ef sú ákvörðun hefur verið tekin af mótshöldurum hvert skipti, og þá eingöngu ef mjög kalt er í veðri.
   e. Mótshaldara er leyfilegt að veita undanþágu varðandi búninga þegar veður er óhagstætt.
   
   
6. Stig
   a. Unnar hrinur og leikur í strandblaki er spilað eftir "Running Score", þ.e.a s. að stig er gefið við hverja unna uppgjöf.
   b. Það lið sem vinnur tvær hrinur vinnur leikinn.
   c. Fyrstu tvær hrinunnar eru spilaðar uppí 21 stig og ef til þriðju hrinu kemur er hún spiluð uppí 15 stig. Í báðum tilfellum skal lið vinna með minnst tveimur stigum, ekkert þak er á stigunum.
   
   
7. Staðsetningar og uppgjafarröð
   a. Leikmenn hafa enga sérstaka staðsetningu á vellinum. Uppgjafarröð skal haldast þ.e.a.s. að skipt er um uppgjafarleikmann þegar liðið vinnur uppgjöfina til baka.
   b. Nákvæm skýrsla segir til um hver á að gefa næst upp.
   
   
8. Leikmannaskiptingar
   a. Í tveggja manna liðum: engin leikmannaskipti í leik eða mótum
   b. Í fjögurra manna liðum: 2 leikmannskiptingar í fjögurramannaliðum (eða í hverju setti í 2 unnum hrinum).
   
   
9. Leikhlé og vallaskipti
   a. Lið skipta um vallarhelming á 7 stiga fresti í fyrstu og annarri hrinu og við hver 5 stig í þriðju hrinu.
   b. Skiptingar gerast án seinkunar.
   c. Hvert lið hefur rétt á einu 30 sek. leikhléi í hverri hrinu.
   d. Á milli hrina er gert hlé í 1 mínútu.
   
   
10. Yfirstig
    a. Yfirstig er leyfilegt svo lengi sem það truflar ekki andstæðing.
    b. Ekki er leyfilegt að stíga á eða undir línu við uppgjöf.
    
    
11. Leið boltans
    a. Leið boltas á að vera á milli antenna eða hliðarbanda á netinu.
    b. Ekki er dæmt ef bolti snertir netið í uppgjöf.
    c. Leyfilegt er að spila bolta sem farið hefur fyrir utan antennunar og sömu leið til baka og svo yfir á völl andstæðinga á milli antenna.
    
    
12. Net snerting (snerting við netið í leik)
    a. Sterting við netið leyfileg nema hún eigi sér stað þegar bolta er spilað, eða hafi áhrif á leikinn.
    b. Ekki er net þegar hár leikmanns fer óvart í netið.
    c. Leikmaður sem snertir bolta (viljandi) í gegnum netið á meðan boltinn er í leik hjá andstæðingi skal refsað með rauðu spjaldi. Snerti leikmaður boltann óviljandi er ekki dæmt á leikmann.
    
    
13. Boltameðferð
    a. Ekki er leyfilegt að taka á móti fyrsta bolta (uppgjöf) með fingurslagi.
    b. Við móttöku á fyrsta bolta er tvíslag leyfilegt, þ.e. ef boltinn t.d. fer í hönd og svo beint í höfuð leikmanns í einni hreyfingu.
    c. Móttaka með fingurslagi á móti smassi er eingöngu leyfð ef um mjög hart smass er að ræða, og fingurslagið sé meira nauðvörn en sending.
    d. Ef bolti er tekin fyrir ofan höfuð með báðum höndum skulu hendurnar vera saman. Ef þær eru sundur þegar slag er framkvæmt, þá er dæmt tvíslag. Undantekning sjá reglu 13.c)
    e. Ekki er leyfilegt að lauma boltanum (fingurslag með annarri hendi).
    f. Bannað er að spila með fingurslagi yfir netið.
    g. Finguslag er leyfilegt svo fremi sem það er alveg hreint, og snúningur boltans eingöngu áfram eða afturábak, og þá mjög lítill/hægur snúningur. Fingurslag skal taka í fullkomnu jafnvægi og beint útfrá líkamanum. Bolti í fingurslagi má ekki fara neðar en sem nemur augnhæð (fyrir ofan nef). Ekki er leyfilegt að spila útá hlið, taka boltann frá hlið og spila áfram, ekki er leyfilegt að spila afturfyrir sig né heldur spila upp á hnjánum eða liggjandi. h. Bannað að hoppa í fingurslagi.
    i. Aðeins eru leyfðar 3 snertingar.
    j. Hávörn telst sem snerting.
    k. Leyfilegt er að leika/snerta boltann með öllum líkamanum.